O ano que fixen a comuñón, a miña avóa deulle un derrame cerebral e quedou sen mobilidade do lado dereito.
Non perdeu ningunha facultade mental, nin sequera cando estaba a punto de expirar.
Era unha vella das de antes, o igual que supermán o traxe de luto víñalle de serie cando naceron. Consistente... un bloque compacto de vontade inquebrantable. Naceu de pé e sempre tirou pá diante.
A palabra depresión, estrés, ansiedade e tantas outras hoxe no noso falar diario, non existía no seu vocabulario e moito menos na súa vida.
Tan pronto colleu forza no lado esquerdo, intentou valerse por si mesma arrastrando o seu lado dereito do corpo da forma que fose, para non molestar os demais.
Non voltou ter nunca a calidade de vida que tiña antes. Non podía cavar a leira, nin ir o batume nin o argazo, nin a seca, nin o que fora que lle gustara facer...
Eu era moi cativo daquela e iba o meu, non me preguntaba por estas cousas.
Non a recordo queixarse, maldecir ou lamentarse da sua sorte nunca.
A nosa casa está feita de encanos e reformas. Nun deles covertemos a casiña na cociña e así gañamos unha habitación e unha cociña moito mais grande que se converteu na espiña dorsal da casa. A partires do derrame da avóa esta estancia da casa colleu ainda mais importancia.
Pola súa comodidade situamos un sofá-cama na cociña e a partires de entón, converteuse nunha cociña-comedor-sala de estar . E a sala de estar pouco a pouco foise convertendo nun sitio o que se ía só a limpar.
O sofá na cociña veu para quedarse. E xa nos deron cómodo descanso, dende aquela, oitros tres.
Eu era o pequeno da casa, e cando miña avóa deixaba libre o sofá, convertíame no lexítimo herdeiro del. Era o meu sitio de ver a tele e, unha vez aberto, era onde xogaba, onde facía os deberes da escola, etc.
Os meus deberes da escola eternizábanse. Abría o sofá da cociña tan pronto como chegaba de xogar por fora. As 8 da tarde-noite, mais ou menos. Zapateaba os libros e cadernos polo sofá a diante e poñíame a facelos mentres escoitaba as conversas da casa e atendía o televisor. Claro, a dispersión era continua.
A medida que fun crecendo en moitas ocasións era eu o derradeiro en deitarme. Poñíame a ver a tele e si había algunha película que me gustara, os exercicios quedaban sen facer ou o exame sen estudar.
Non sei que idade tería, entre 12 e 14 anos bótolle eu. Coma tódolos días as oito abriría o sofá, sacaría o material da mochila e poñeríame a ver a "Oliver e Benji", botaríalle un ollo os libros e pouco despois cenaría. Retornaría os libros e nun despiste de meus pais collería o mando a distancia e poñeríame a tantear polos cinco canales e medio dos que dispúñamos neses anos... e, alí estaba, unha nave espacial polo espazo -esta ten que estar ben, pensaría.
O título "Alien, el octavo pasajero". E tanto que estivo ben.
Foi unha das películas que mais me impactou de rapaz.
De partida o espazo. Nesa época estaba fascinado pola ciencia ficción e polo espacio-cosmos-universo en particular . Esa nave, que non tiña nada que ver có que vira. Era fea, sen ningún interés por resultar aerodinámica. En fin, de partida xa me deixou pegado o asento recollendo toda a miña atención.
Para o que nunca vira está película resumireina dicindo que vai duns transportistas que teñen uns problemiñas no camiño tras recoller a un autoestopista que se converte en polizonte con moi mala "baba", ou algo así ...
Resultoume unha película absolutamente hipnótica, claustrofóbica, chea de tensión (de ir mexar varias veces mentras a veias). Durante case 40 minutos non pasa nada, pero sabes que algo vai pasar. Os persoaxes teñen entidade e personalidade propia. Esta chea de esceas míticas. E pasan continuamente cousas que non te esperas. A día de hoxe, falando con xente xove, parecelles unha película lenta e aburrida, supoño que o inicio e que están acostumados a videoxogos, películas e series moito mais extremas, insensibilízanos para apreciala na súa magnitude.
Como decía, esta chea de esceas míticas... o espertar de crioxénese, a centola pegada a cara, a sangue ácida, a paridura da criatura...
Pero vou destacar duas esceas que me resultaron perturbadoras no seu momento. A primeira e cando Ripley descubre que un dos compañeiros non é trigo limpo i este decide eliminala, e para elo, opta polo totalmente lóxico e tradicional método da asfixia cunha revista... unha das esceas mais psicopáticas e sin vir o caso que vin na miña vida e vindo de quen ven, un androide que se supón sen imaxinación nin fantasías enfermizas desa índole. Logo prodúcese unha loita, e case mata a oitro arrancándolle o corazón... a mellor criatura cibernética do cine. Qué asco dá cando o descalabran, por certo.
A oitra é, coma non, o paseo en roupa interior de Sigourney Weaver.
Non te esperas esa escea dela preparándose para ir para a cama, convertendo ao espectador nun voyeur da intimidade dunha rapaza que se desprende da roupa e baixo esta, leva unha roupa interior que che dá que pensar, non sabes se é prestada, si lle encolleu, si é roupa vella de usar coa regla... porque é indudable que é varias tallas mais pequena hasta mais pequena que os bañadores que usaba Pamela Anderson nos "vixilantes da praia"... si, cando a vin, indudablemente houbo "calambrillos en la chorra" (que diría wallyweek)... as bragas vense tan apretadas nela, que o mato groso* case parece paquete.
Pasou o tempo, devinna de volver revisionar catro, cinco, que sei eu as veces... e ségueme gustando. Xa non me sorprende, non me encolle o corazón, nin me excita ver a Ripley en bragas... nin o resto da película, pero desfrutoa con veneración.
(*é do 1979, os massmedia non lle impuseran a depilación integral as mulleres... ou quizais, buscando realismo, coma ela estivo bastantes meses en crioxénese pensaron correctamente os guionistas, que ainda que o levara depilado, nese tempo volveríalle crecer...¿crece o pelo estando en crioxénese?¿sendo así, porqué non teñen todos meleas jipienses e barbas de jisters?...)
Os deberes da escola daquel día, irían un día mais sen facer...
O sofá segue na cociña cuberto por colchas horribles...
Miña avóa... espero que esté no ceo...
J.G.C.
Crítica e anécdotas:
http://cinemelodic.blogspot.com.es/2015/10/critica-alien-el-octavo-pasajero-1979_2.html
Rodaxe:
http://rodajesdepeliculas.blogspot.com.es/2015/03/el-rodaje-de-alien-el-octavo-pasajero.html
+ Críticas:
http://cinefantasticoycienciaficcion.com/alien-el-octavo-pasajero-1979-cor.html
http://www.fantasymundo.com/articulos/5150/alien_octavo_pasajero_ian_nathan
Fotos e carteis:
http://www.blogdecine.com/galeria/carteles-de-alien-el-octavo-pasajero/fin
http://www.sopitas.com/487184-galeria-las-peliculas-de-terror-detras-de-camaras/
Fotos.
1- Cartel alternativo da película.
2-Foto antiga sacada a un animal e a un gato, nun mal momento. No primeiro sofá cama da cociña. Estilo acordeón cuberto por unha funda que atenta contra o bó gusto, ao igual da roupa do personajillo sobado cando tiña 16-17 anos.
Resto- Imaxes da rodaxe e capturas da película.